Як жыць - дык жыць для Беларусі...

Меню сайта
Воблака тэгаў
Форма ўваходу
Пошук
Надвор'е
Падзяліцца
Яшчэ кнопкі
Наведвальнікі
А ў нас...

Радкі пра вясну


Як добра ранняй вясной у сасновым лесе! (В. Вольскі)


Люблю вясну, калі дыміцца

Праталіна, бушуе сок. (А. Бялевіч)


У твар дыхнула водарам вясны. (Г. Бураўкін)


Яшчэ на ўзлессі снег ляжыць,

Але шпакі ужо шчабечуць,

Звіняць да змроку капяжы,

І кроплі падаюць на плечы. (С. Грахоўскі)


Прайшла вятрыстая вясна,

Другая йдзе зялёная. (У. Ляпёшкін)


Крыху спозненая, але дружная вясна набірала ўсё болей і болей жыватворных сіл. (Я. Колас)


Жыццё, прашу, ты сыну дай

Вясны пагодліва-багатай. (В. Жуковіч)


Вясна ў поўным росквіце. (А. Якімовіч)


Зруйнаваны дашчэнту межы,

Прастораў зрокам не абняць,

Да іх павольна з ветрам свежым

Прыходзіць бурная вясна. (П. Глебка)


Адгукніся, вясна, мне зязюляй з-за рэчкі,

Дай яшчэ раз прыпасці да любай зямлі. (А. Куляшоў)


Я пакораны ўладай тваёй,

Чараўніца-вясна

Першым буйным дажджом,

Першым грукатам перуна. (А. Звонак)


Цвітуць сады на Случчыне маёй.

Мядовы пах над цэлым краем вее. (А. Астрэйка)


Прачыналася прырода на прыгрэве ад зімовага сну, абуджаліся і рваліся ў нязведаныя далі парыванні і помыслы юнака. (С. Александровіч)


Я люблю вясновыя спатканні -

З жураўлямі ў лузе на світанні,

З краскамі, з цяплом лістоты клейкай

І жывой арэхавай жалейкай. (К. Кірэенка)


Плывуць насустрач сонечнай вясне

На рэках крыгі з шоргатам і трэскам. (С. Грахоўскі)


Ходзіць, як казка, па свеце

Светлы і радасны май. (А. Астрэйка)


Вітаю вясну, што прыйшла на палі. (М. Танк)


У белым убранні прыходзіць вясна. (П. Глебка)


Пад майскім лёгкім сонейкам маўклівы,

Зачараваны ў мураве стаю. (В. Жуковіч)


Мінскія вуліцы былі мокрыя ад апошняга скіданага ў дварах снегу. (К. Чорны)


Вясна паводкай захмяліла,

Густой расою апякла,

І з баразны тугая сіла

Ў гарачых жылах пацякла.

Вясна іскрыцца над зямлёю,

Захутанаю ў лёгкі дым,

І свежай дыхае раллёю,

І пругкім ветрам маладым. (С. Грахоўскі)


Заплакала зіма пад капяжамі мільёнамі слёз. (Я. Колас)


Прыйшоў вясёлы красавік,

І ўся зямля красой запела. (А. Астрэйка)


Хоць быў ужо канец красавіка, а нешта вясна марудзіла. (П. Кавалёў)


Акно адчынілася, у хату дыхнула вясной. (Я. Брыль)


На паляне ў светлым пералеску

Расцвілі, налітыя расой,

Сінія падснежныя пралескі

Пад аховай урачыстых хвой. (П. Панчанка)


У маі ткуцца дзівосныя ранкі - 

Калі на траве буйныя кроплі расы. (В. Жуковіч)


Першыя громы! Сэрцу вы мілы,

Люб мне ваш смех паміж гор! (Я. Колас)


Памаленечку, але з кожным днём усё смялей і ўладарней наступала вясна. (Б. Сачанка)


Зацвілі вакол сады,

Збажына стаіць густая. (А. Зарыцкі)


Снег тая, і на вуліцы было шмат вады. (М. Лупсякоў)


Ідзе вясна ў шумлівых водах.

У звонкім срэбры ручаёў

І разлівае мяккі подых,

Як песню нейкую без слоў. (Я. Колас)


Снегу на полі не было зусім, і яно пакрывалася ўжо свежай пяшчотнай зелянінай. (Т. Хадкевіч)


Вясна, вясна! О, колькі ў табе шчасця! (Я. Купала)


Вось цяпер ніхто не скажа,

Што спазнілася вясна. (М. Лужанін)


Будуць свежым лісцем

Шалясцець бярозы. (М. Васілёк)


Ідзеш і радуешся вясноваму сонцу. (К. Чорны)


Вясна прыйшла ў магутным шуме паводак, у серабрыстым шуме ручаёў, у несціханых трэлях жаваранкаў, у шаўкавістым шапаценні першай зеляніны на пожнях. (Т. Хадкевіч)




Рейтинг сайтов
Каляндар
«  Чэрвень 2017  »
ПнАўтСерЧцПтСбНд
   1234
567891011
12131415161718
19202122232425
2627282930
Архіў запісаў
Наша апытванне
Якім браўзерам вы карыстаецеся?
Усяго адказаў: 319
Нашы госці
Нашы госці
free counters
Воблака тэгаў
навіны праграмы і планаванні са святам школы праграмы і планаванне нарматыўка спампаваць карысныя сайты метадычны куфэрак алімпіяда алімпіядныя заданні моўныя залацінкі навучальныя ўстановы словы пра творцаў універсітэты пісьменнікі і паэты фотаздымкі конкурс школа вучням партрэты мова фразеалагізмы настаўнікам граматыка літаратура віншую глаголіца фанетыка новыя правілы даследчая дзейнасць генеалогія антрапаніміка настаўніку арнаменты прэзентацыі марфалогія арфаграфія факультатывы кірыліца марфеміка сінтаксіс граматычныя разборы радавод рэкамендацыі для прэзентацыі шаблон прэзентацыі гульні загадкі крыжаванка прыказкі графіка дыпломы пазлы святы інтэрактыўная дошка урок вуснае выказванне
Спасылкі
  • Блог Глеба Лабадзенкі
  • Родныя вобразы
  • Віртуальны кабінет беларускай мовы і літаратуры
  • Нацыянальны інстытут адукацыі
  • Мой блог
  • Жыццё сайта
    Статыстыка

    Усяго анлайн: 1
    Гасцей: 1
    Карыстальнікаў: 0

    Copyright MyCorp © 2017
    Сайт создан в системе uCoz