Як жыць - дык жыць для Беларусі...

Меню сайта
Воблака тэгаў
Форма ўваходу
Пошук
Надвор'е
Падзяліцца
Яшчэ кнопкі
Наведвальнікі
А ў нас...

Радкі пра лес



Ўсё гамоніць вакол і шуміць, як даўней,

Гэты лес векавы, гэты бор (Я.Колас).


Лес-ноч гаманіста, шумліва

З мінуўшчыны казкі складае

І шле іх далёка... (Я.Купала).


Надыходзіў вечар. Вышыню, маўклівы, строгі лес паволі агортваў сіняваты прыцемак (І.Мележ).


Як жа сівер замкне азёры,

Распране густалісты лес? (А.Вялюгін).


Адышлі дні былыя ў песню.

Дзе сябры мае? Дзе яны?

Ходзіць вецер па жоўтым лесе

І не бачыць нідзе вайны (П.Панчанка).


Лес разрываўся невялічкімі палянкамі, на якіх рунела жыта. (Я. Колас)


За вокнамі снежныя казкі

Расказвае сцішаны лес. (С. Грахоўскі)


У лесе пахла растопленаю смалой (І. Чыгрынаў).


У грыбы выйду, клікну я раніцой - ярка рэха грыміць у бары. (Я. Непачаловіч)


А знізу гэты лес кашлаты

Меў зелянюсенькія шаты. (Я. Колас)


Стромкі сухі бор песціць погляд сваёй цёмнай прытульнай зелянінай. (М. Зарэцкі)


Гэта быў акраек лесу, таго самага лесу, дзе і цяпер стаяць такія мілыя, слаўныя дубы. (Я. Колас)


Хоць няма ветру, а ўсё роўна лес шуміць. (П. Пестрак)


Пра ўсё нашэптваюць галіны,

Калі прыслухацца да іх. (В. Вярба)


На цябе, мой лес, як на цуд гляджу -

Ад сасновых крон да блакітных красак.

Палянка дыміцца пасля дажджу,

Як зялёная коўдра пасля гарачага праса. (П. Панчанка)


А лес маўчыць, глухі, таемны. (Я. Колас)


Лес — сонечны, дажджысты, росны.

Лес снежны, лес дзівосна розны (П. Марціновіч).


Лес цёмны з ветрам гаманіў (Я.Купала).


Там цягнуўся вялікі лес, густы і стары. (Я. Колас)


І слухалі разбуджаныя далі,

Як мірна шэпчуцца навокал саснякі. (А. Бачыла)


Азваўся лес тужлівым рэхам,

І ўсё замерла. (С. Грахоўскі)


Густы старадаўні лес дзвюма магутнымі сценамі абступаў дарогу. (Я. Колас)


Я слухаю пільна падінні,

Якія гаворыць мне бор. (К. Кірэенка)


У промнях сонца купаўся сіне-зялёны лес (А. Астапенка).


Я вынесу на тысячы дарог

Цябе, харошы, дружбавіты лесе,

І цеш ты сэрца салаўінай песняй,

Асеньвай прахалодаю мурог!.. (У. Дубоўка).


Высокі, густы, сакавіты, поўны радасці, стаяў лес воддаль, побач з ракою. (Я. Колас)


Сонца садзіцца за лес рабрысты (А. Грачанікаў).


Ад паху мёрзлага лесу магла закружыцца галава (К. Чорны).


Я іду ў стары, дрымучы лес

Па знаёмых сцежках і палянах (М. Танк).


Беразняк вакол рос малады, чысты, бялюткі, адно верхавінкі чарнеліся, яшчэ не ўсыпаныя матылямі-лісцікамі. (В. Карамазаў)


Не, не спіць, не дрэмле

Старажытны бор. (Я. Колас)


Мы ідзём па сцяжынках, на якія не вернемся,

Мы ідзём па дзіцячых здзічэлых лясах (Р. Барадулін).


Мой край азёрны, край люстраны!

І сёння я з табою ўвесь —

З палямі, з трактарам старанным,

З табою, неўгамонны лес (П. Броўка).


Ад птушыных песень лясы загудзелі,

І лісце і травы ад росаў зардзелі. (Я. Купала)


Лес стаяў хмуры і трывожна-насцярожаны. Нерухомы, ён нібы, спаў, сагрэўшыся ў снегавой адзежы (А. Кудравец).


Старажытнасць глядзіць затуманеным воблікам

З курганоў прыдняпроўскіх, з пахмурных лясоў (П. Панчанка).


Што, грыбоў яшчэ няма? (Я. Колас)


Звыклыя гукі напоўнілі лясныя гушчары: у галлі заварушылася сонная птаха, піскнуў заяц, бязгучна мільгануў кажан. (М. Лынькоў)


Ціха ў лесе: не шапацяць бярозы, не чуваць, як вясной, птушынага спеву. (В. Шырко)


Нашы лясы - гэта наша скарбонка і свіран,

Наша камора жывіцы, і дзёгцю, і ягад,

Мёду і воску, куніцы і рознай дзічыны. (М. Гусоўскі)


Лес жыў сваім адметным жыццём таемнасці і зачараванасці. (В. Адамчык)


Раса паступова высыхала, і лес напаўняла паркая духмень, перамешаныя пахі травы, сосен, суніц. (І. Мележ)


Звонкаструнны ты, мой лесе,

Галасісты гай,

Для мяне, якую хочаш,

Песню заспявай (А. Русак).


Затое ў лесе, змярцвелым і суровым, было зацішна і нават цёпла (А. Асіпенка).


Я праязджаю тым маршрутам

Праз беларускі лес-гушчар,

Якім, скаваўшы думы ў путы,

Паэта гнаў у ссылку цар (А. Александровіч).


Людзей не знаў лес гэты хмурны (Я. Купала).




Рейтинг сайтов
Каляндар
«  Снежань 2017  »
ПнАўтСерЧцПтСбНд
    123
45678910
11121314151617
18192021222324
25262728293031
Архіў запісаў
Наша апытванне
Дайце ацэнку сайту
Усяго адказаў: 269
Нашы госці
Нашы госці
free counters
Воблака тэгаў
навіны праграмы і планаванні са святам школы праграмы і планаванне нарматыўка спампаваць карысныя сайты метадычны куфэрак алімпіяда алімпіядныя заданні моўныя залацінкі навучальныя ўстановы словы пра творцаў універсітэты пісьменнікі і паэты фотаздымкі конкурс школа вучням партрэты мова фразеалагізмы настаўнікам граматыка літаратура віншую глаголіца фанетыка новыя правілы даследчая дзейнасць генеалогія антрапаніміка настаўніку арнаменты прэзентацыі марфалогія арфаграфія факультатывы кірыліца марфеміка сінтаксіс граматычныя разборы радавод рэкамендацыі для прэзентацыі шаблон прэзентацыі гульні загадкі крыжаванка прыказкі графіка дыпломы пазлы святы інтэрактыўная дошка урок вуснае выказванне
Спасылкі
  • Блог Глеба Лабадзенкі
  • Родныя вобразы
  • Віртуальны кабінет беларускай мовы і літаратуры
  • Нацыянальны інстытут адукацыі
  • Мой блог
  • Жыццё сайта
    Статыстыка

    Усяго анлайн: 1
    Гасцей: 1
    Карыстальнікаў: 0

    Copyright MyCorp © 2017
    Сайт создан в системе uCoz