Гісторыя ўзнікнення гэтага сайта цікавая: яго стварыла Насця, мая былая вучаніца, выпускніца клуба. Яшчэ вясной яна пачала напаўняць сайт цікавай інфармацыяй, але я пра гэта даведалася толькі ў канцы верасня, калі дзяўчына передала мне правы на сайт. Зараз я яго адміністратар. Гэта вельмі прыемна, але і адказна. На сайце клуба вы зможаце знайсці тэксты даследчых работ нашых навучэнцаў, прэзентацыі да работ. Насця дадала на сайт колькі фотаздымкаў, якія былі зроблены ў розныя гады існавання нашага аб'яднання.
Асобны раздзел прысвечаны дасягненям вучняў. Спадзяюся, што ён будзе папаўняцца.
А яшчэ ў адным раздзеле сабраны артыкулы з сродкаў масавай інфармацыі пра дзейнасць клуба, бо пра "Жывое слова" часта пішуць у газетах. Праўда, пакуль у тым раздзеле толькі чатыры артыкулы, бо знайсці ўсе Насця не змагла.
І яшчэ: з прычыны наяўнасці ўласнага сайта ў клуба, усе даследчыя работы з гэтага сайта "пераязджаюць" на новы. Ніякіх цяжкасцей для карыстальнікаў гэтага сайта не будзе, проста пры пампаванні вас будзе перанакіроўваць на новы сайт. | 