Сёння, шаноўнае спадарства, я самы шчаслівы чалавек. 16 і 17 чэрвеня здавала ў Мінску экзамен на вышэйшую катэгорыю. Вельмі баялася: раптам што-небудзь пойдзе не так, нешта не атрымаецца?
І зараз я маю на руках паперку, у якой напісана "Экзамен ЗДАЛА".
Сама яшчэ не адчула, што гэта такое, але калегі ўжо павіншавалі, так што настрой вельмі і вельмі добры.
Учора на базе сярэдняй школы №1 г. Ветка імя А. А. Грамыкі адбыўся раённы этап конкурса рытарычнага майстэрства "Гавары са мной па-беларуску". У ім прымала ўдзел вучаніца 8 класа Дабравольская Алена (рыхтавала настаўніца беларускай мовы і літаратуры Мігаль Алена Генадзьеўна). Лена Дабравольская заняла 3 месца. Мы віншуем нашу вучаніцу і жадаем далейшых поспехаў!
Запрашаю настаўнікаў беларускай мовы і вучняў на свой блог "Інтэрактыўныя гульні па беларускай мове і літаратуры". Там вы знойдзеце гульні па ўсіх раздзелах мовазнаўства і па літаратуры за 5-11 класы. Адрас блога: http://intgulni.blogspot.com/
На сённяшні дзень блог змяшчае калекцыю з 60 гульняў. Гэтая лічба амаль кожны дзень павялічваецца, таму, я думаю, вы зможаце знайсці нешта для сябе.
Нядаўна знайшла блог, якія вядзе 14-гадовая дзяўчына з Гомеля. Блог гэты прысвечаны загадкам на беларускай мове.
Зазірніце сюды: http://belzag.blogspot.com - і вы ўбачыце шмат беларускіх загадак. Яны ўсе сістэматызаваны па групах, у правай калонцы ёсць спіс усіх груп загадак, так што вы зможаце адшукаць тое, што вам патрэбна.
Тут ёсць загадкі пра поры года, пра жывёл, расліны, пра школу і прафесіі, пра зоркі, месяц, сонца і г.д.
Сёння ў нашай школе прайшоў семінар-практыкум для настаўнікаў Добрушскага раёна. Мне хочацца падзякаваць усім настаўнікам і вучням, хто дапамог мне рыхтавацца, хто не звяртаў увагі на мой настрой на працягу цэлага тыдня, хто падтрымаў мяне. Гэты шыкоўны букет кветак - для вас, мае любыя, мае дарагія!! Вялікі дзякуй вам!!!